Víkari.is - Fréttavefur Bolvíkinga
Fréttir | 1.4.2020 |
Viðbrögð við Covid-19 smiti í Bolungarvík

Covid-19 smit hefur verið staðfest í Bolungarvík og grunur er um fleiri smit. 

 

Aðgerðastjórn almannavarna á Vestfjörðum hefur því ákveðið, í samráði við sóttvarnalækni, almannavarnardeild ríkislögreglustjóra og skólayfirvöld að fella niður kennslu á mið- og unglingastigi (5.-10. bekkur) Grunnskólans í Bolungarvík.

 

Ákvörðun þessi tekur gildi frá og með deginum í dag, 1. apríl 2020, og gilda þar til annað verður ákveðið.

 

Allir nemendur og umsjónakennarar þeirra skulu halda sig heima í úrvinnslusóttkví meðan sýni eru greind. Þeir sem eru í úrvinnslusóttkví skulu fara að sömu fyrirmælum og aðrir þeir sem eru í heimasóttkví.

 

Á þessu stigi er ekki talin þörf á algjöru samkomubanni í Bolungarvík. Hins vegar er tilefni til að hvetja fólk til að halda sig heima, halda samskiptafjarlægð, takmarka ferðir og fylgja að öðru leyti leiðbeiningum yfirvalda. Unnið er að smitrakningu og beðið niðurstaðna úr sýnatökum. Nokkur fjöldi einstaklinga er nú þegar í sóttkví.

 

Fólk sem finnur til einkenna á að halda sig heima og hafa samband við Heilbrigðisstofnun Vestfjarða í síma 450 4500. Tekin eru sýni alla virka daga á Ísafirði kl. 10 - 11, en fyrst þarf að fá samband við lækni.

 

Sjá nánar leiðbeiningar um sóttkví.
Aðrar gagnlegar upplýsingar.

 

Viðbragðsáætlun Bolungarvíkurkaupstaðar hefur verið uppfærð í ljósi þessarar ákvörðunar.

 

Viðbragðsáætlun Bolungarvíkurkaupstaðar 6,0, grunnskóli uppfærður


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Íþróttamaður Bolungarvíkur 2019
Hóf Íþróttamanns ársins í Bolungarvík 2019 var haldið í Félagsheimilinu sunnudaginn 12.janúar 2020. Margir íþróttamenn fengu viðurkenningar og var það Mateusz Klóska sem fékk titilinn íþróttamaður ársins. Guðbjörg Stefanía Hafþórsdóttir tók eftirfarandi myndir.