Víkari.is - Fréttavefur Bolvíkinga
Fréttir | 1.11.2017 08:53:44 |
Halldóra leikstýrir Matildu

Söngleikurinn Matilda verður sýndur í Félagsheimili Bolungarvíkur í lok nóvember. 

 
Það er Halldóra Jónasdóttir sem stendur að sýningunni en hún bæði leikstýrir verkinu og hefur þýtt leiktextann og alla söngtextana. 
 

Halldóra er Bolvíkingum að góðu kunn en hún er dóttir Sólrúnar Geirsdóttur, kennara við menntaskólann, og Jónasar Guðmundssonar, sýslumanns. 
 

Halldóra stundar nám við kennaradeild Háskóla Íslands og er sýningin hluti af útskriftarverkefni hennar úr grunnnáminu næsta vor.
 

Sýningin er stútfull af gleði, drama, tónlist og sprelli en hún fjallar um lítinn snilling að nafni Matilda, hún er ekki metin að verðleikum heima hjá sér og í skólanum þarf hún að horfa upp á mikið óréttlæti. Matilda reynir að berjast gegn öllu óréttlætinu og segir að stundum sé í lagi að gera það sem er bannað.
 

Í sýningunni leika 27 vestfirskir krakkar á aldrinum 8 - 15 ára og er hópnum skipt upp í tvennt. 
 

Stundum þarf bara lítinn snilling til að gera kraftaverk, segir Halldóra.
 

Höfundur sögunnar er Roald Dahl en Dennis Kelly samdi söngleikinn með tónlist Tim Minchen. 
 

Miðaverð er 1.000 krónur og við vonumst til að sjá sem flesta, segir Halldóra.
 

Fjórar sýningar verða á söngleiknum en verkið nýtir stóran hluta salarins í félagsheimilinu og því eru sýningarnar fjórar.

  • 25. nóvember kl. 13 og kl. 16.
  • 26. nóvember kl. 13 og kl. 16.

Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Vígsla snjóflóðagarðanna
Snjóflóðavarnargarðarnir Vörður og Vaki í Bolungarvík voru vígðir laugardaginn 20. september.