Víkari.is

Hávarður Olgeirsson fylgdist grannt með framkvæmdum við Félagsheimili Bolungarvíkur er fréttaritari Víkara átti leið hjá á dögunum. Hávarður hefur án efa dansað vals og ræl í Félagsheimilinu á góðri stundu við undirleik danshljómsveita og dillað sér við hljómfallið. Trúlega hefur hugur Hávarðar leitað til liðinna ára er hringdansinn var stiginn í faðmi fimra dansmeyja í Félagsheimili Bolungarvíkur sem hýsti flesta menningarviðburði þá daga.

Núna er Hávarður þó nokkur sprækur að hans sögn þrátt fyrir að sjónin sé farin að daprast. Hann gat þó þokkalega greint það sem fram fór er stórvirkar vinnuvélar unnu að endurbyggingu hússins ásamt vinnumönnum sem unnu við endurbæturnar.