Víkari.is - Fréttavefur Bolvíkinga
Munnmælasögur | 4.5.2008 | Kristján Jónsson
Bolvískar munnmælasögur nr. 6

 

Ásgeir bróðir tók stundum að sér að leika jólasvein á skemmtunum í Bolungarvík ef hinir raunverulegu forfölluðust. Gekk það jafnan vel en frumraun hans endaði þó á nokkuð skondin hátt. Ásgeir og Gunnar Leósson höfðu tekið að sér hlutverk jólasveina er kveikt var á jólatrénu í Víkinni við hátíðlega athöfn. Tróðu þeir sér í búninga kvenfélagsins en þeim fylgdu forláta sauðskinnskór, sem voru kannski ekki heppilegasta skótauið við þessar aðstæður: nístingskuldi og hálagler. Sinntu þeir skyldum sínum af stakri prýði en er þeir hugðu á heimför rann upp fyrir þeim að mikilvægasta atriðið hafði gleymst. Gleymst hafði að skipulegga flóttaleið undan púkunum sem auðveldlega má leysa með því að fá einhverja til þess að skutla á bíl eða snjósleðum. Skunduðu þeir eftir Aðalstrætinu í átt að JFE og púkaskarinn veitti þeim eftirför. Nú voru góð ráð dýr því enginn kom þeim til hjálpar og tóku þessir karlmannlegavöxnu menn til fótanna...og púkarnir á eftir. Hlupu þeir sem leið lá eftir Stigahlíðinni (enda heimkynni Jólasveinanna í Traðarhyrnu eins og alkunna er). Þrautseigustu púkarnir gáfust upp á eltingarleiknum til móts við Völusteinsstrætið þar sem jólasveinarnir lögðust til hvílu með skeggið aftur á baki, buxurnar á hælunum og vel hruflaðir eftir að hafa dottið nokkrum sinnum í hálkunni á leiðinni.

 

 

 


 

Sagnahefðin hefur í gegnum tíðina verið rík á meðal Víkara sem og annara Vestfirðinga. Kristján Jónsson hefur á undanförnum árum skrifað sögur á bloggsíðu sína sem hann hefur kallað Munnmælasögur. Víkari.is hefur nú fengið leyfi til þess að birta nokkrar af þessum sögum hér á síðunni en þær hafa allar birst áður á www.bolviskastalid.blogspot.com og eru merktar eins og þær heita á bloggsíðu Kristjáns. Vonandi hafa lesendur Víkara ánægju af þessu enda er þetta einungis til gamans gert. Lifi sagnahefðin!
Ef einhverjar athugasemdir vakna vegna þessa er hægt að senda Kristjáni póst á kris@vikari.is .


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Vígsla snjóflóðagarðanna
Snjóflóðavarnargarðarnir Vörður og Vaki í Bolungarvík voru vígðir laugardaginn 20. september.