Víkari.is - Fréttavefur Bolvíkinga
Menning og mannlíf | 13.3.2018 17:14:11 |
Gamlar myndir frá Bolungarvík á nýrri heimasíðu

Á dögunum var opnuð ný heimasíða, www.bolvikingar.is, þar sem safnað er saman gömlum myndum frá Bolungarvík. Vefurinn er unninn í sjálfboðavinnu af áhugafólki um varðveislu á gömlu myndefni og sögum um liðinn tíma í Bolungarvík. Upphafsmaðurinn að verkefninu er Jón Páll Hreinsson, bæjarstjóri í Bolungarvík, en ýmsir aðilar hafa skráð sig til að setja efni inn á vefinn. Bolvíkingar.is er ætlað að vera vitnisburður um liðna tíma í Bolungarvík og má þar sjá myndir í nokkrum flokkum þar sem athyglinni er m.a. beint að fólkinu, húsunum og skipunum í Bolungarvík.


Nú þegar er fjölda mynda kominn inn á vefinn og koma þær úr ýmsum áttum. Það verður fróðlegt að fylgjast með hvernig Bolvíkingar.is vex og dafnar eftir því sem meira efni safnast inn á síðuna. Þeir sem hafa áhuga á að taka þátt í þessu skemmtilega verkefni geta haft samband á vertumed@bolvikingar.is

 

Meðfylgjandi mynd sýnir malbikunarvinnu fyrir framan Kaupfélagið á Hafnargötunni í Bolungarvík árið 1967. Myndin er frá Agli Guðmundssyni

 


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Vígsla snjóflóðagarðanna
Snjóflóðavarnargarðarnir Vörður og Vaki í Bolungarvík voru vígðir laugardaginn 20. september.