Víkari.is - Fréttavefur Bolvíkinga
Menning og mannlíf | 28.4.2016 11:56:19 |
Bolvískir grunnskólanemar stíga á svið í Luxemborg

Nemendur í Grunnskóla Bolungarvíkur eru nú þátttakendur í sínu þriðja evrópska skóla samstarfsverkefni.

 

Fyrstu tvö verkefnin voru viðskiptatengd þar sem nemendur fræddust um Fair trade og frumkvöðla. Þriðja verkefnið er af allt öðrum toga og reynir á leiklistarhæfileika nemenda. Einnig er unnið með sjálfstraust, framkomu og fleira. Verkefnið heitir Looking for a universal language by means of performing arts eða ULPA.

 

Emil Uni Elvarsson, Svanhildur Helgadóttir, Karolína Sif Benediktsdóttir og Kristjana Berglind Finnbogadóttir taka þátt í verkefninu og fara þau öll til Luxemborgar í næstu viku.  Þar munu þau taka þátt í ströngum leiklistaræfingum ásamt krökkum frá samstarfslöndunum fjórum og endar vinnan á sameiginlegri leiksýningu þar úti.

 

Þetta er fjórða ferð hópsins, en þau hafa farið til Alicante, Catania (á Sikiley) og Hamborgar. Á hverjum stað hefur verið unnið með ákveðið þema sem sett er saman  út frá hugmyndum nemenda og kennara.  Leiksýningin er afrakstur þeirrar vinnu.  Það eru spennandi tímar framundan hjá unglingunum okkar.


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Vígsla snjóflóðagarðanna
Snjóflóðavarnargarðarnir Vörður og Vaki í Bolungarvík voru vígðir laugardaginn 20. september.