Soffía Vagnsdóttir tilkynnti á Facebook síðu sinni í dag að hún ætli sér ekki að halda Ástarvikuna í Bolungarvík í ár. Ástarvikan hefur verið haldin hátíðleg undanfarin átta ár, sjö þeirra í Bolungarvík en eitt árið var Ástarvikan haldin á Bifröst. Í viðtali við fréttavefinn bb.is segir Soffía að ástæðan fyrir því að ekki verði Ástarvika í ár sé miklar annir hjá hjá henni. „Það varð mikil breyting hjá mér í vetur þegar Ingibjörg systir mín lést, hún var mikið með mér í þessu og líka í gistiþjónustunni. En í staðinn fyrir Ástarviku þetta árið ætla góðir vinir mínir að skella upp tónleikum í Kjallaranum hér í Bolungarvík 12. ágúst – og svo verð ég bara í brjáluðu stuði næsta ár!“  er haft eftir Soffíu á bb.is