Víkari.is - Fréttavefur Bolvíkinga
Vísnahorn Víkara | 30.9.2010 | Ragna
Vísur Sigurvins Guðbjartssonar

Sigurvin Guðbjartsson er hagyrðingur góður og yrkir hér einkar fallegt ljóð um Bolungarvík. Þar kemur fram að hvergi hann sælli í veröldu væri en við þetta síkvika haf sem bylgjast við ströndina í Víkinni og óskir hans eru að staðurinn blómstri  og framtíðin verði af hamingju rík.

 

Bolungarvík heitir bærinn minn kæri,
byggðarlag fagurt sem sem drottinn mér gaf.
Hvergi ég sælli í veröldu væri,
en við þetta gjöfula síkvika haf.
Þuríði fannst þetta framtíðar staður,
fyrst þegar kom hún og settist hér að.
Völusteinn orti og undi sér glaður,
örlagaspá hans var fest hér á blað.
Fortíðin geymist um aldur og ævi,
öll mun þín framtíð af hamingju rík.
Megi þú blómstra, hjá svalköldum sævi,
svipríka hugljúfa Bolungarvík.


Lag og texti. Sigurvin Guðbjartsson.


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Vígsla snjóflóðagarðanna
Snjóflóðavarnargarðarnir Vörður og Vaki í Bolungarvík voru vígðir laugardaginn 20. september.