Víkari.is - Fréttavefur Bolvíkinga
Fréttir | 2.3.2020 13:39:42 |
Nuddþjónusta og barnagæsla

Íþróttamiðstöðin Árbær í Bolungarvík býður gestum sínum upp á nýjungarnar nudd og barnagæslu.

 

Í september síðastliðnum var byrjað að bjóða upp á nuddþjónustu sem hefur verið afar vel tekið. Hægt er að fá ýmiskonar nudd svo sem partanudd, slökunarnudd og taílenskt nudd og geta gestir íþróttahússins pantað sér tíma.

 

Frá því í febrúar hefur Árbær einnig boðið upp á nýja þjónustu sem er barnagæsla en henni er ætlað að koma til móts við þarfir barnafólks og auðvelda því að nýta sér þjónustu Árbæjar til heilsueflingar. 

 

Barnagæslan er fyrir 9 ára börn og yngri en 10 ára og eldri börn mega fara í sund án fylgdar.

 

Magnús Már Jakobsson er forstöðumaður Árbæjar:

„Við viljum auðvitað standa okkur gagnvart okkar góðu gestum og viljum auka fjölbreytni í þjónustu íþróttamiðstöðvarinnar. Barnapössunin byrjaði núna 1. febrúar og við bindum vonir við að henni verði vel tekið eins og reyndin var með nuddið í september.“

 

Barnagæslan verður gjaldfrjáls þar til annað er ákveðið.


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Íþróttamaður Bolungarvíkur 2019
Hóf Íþróttamanns ársins í Bolungarvík 2019 var haldið í Félagsheimilinu sunnudaginn 12.janúar 2020. Margir íþróttamenn fengu viðurkenningar og var það Mateusz Klóska sem fékk titilinn íþróttamaður ársins. Guðbjörg Stefanía Hafþórsdóttir tók eftirfarandi myndir.