Víkari.is - Fréttavefur Bolvíkinga
Fréttir | 31.1.2020 10:35:20 |
Útsýnispallurinn á Bolafjalli á sýningu í Moskvu

Módel að fyrirhuguðum útsýnispalli á Bolafjalli er hluti af sýningu í Moskvu sem helguð er framtíðararkitektúr í Evrópu.

 

Módelið er 1,8 m að lengd og sýnir hluta Bolafjalls og útsýnispallinn eins og hann kemur til með að líta út í fjallinu. 

 

Sýningin kallast „Opinber arkitektúr – framtíð Evrópu“ og hún opnaði í gær og verður opin til 10. maí 2020. Eftir það er von á módelinu til sýningar í Bolungarvík.

 

Það eru Sei arkitektar í Reykjavík sem standa að gerð módelsins sem var smíðað af Fab Lab í Vestmannaeyjum en Sei arkitektar hönnuðu pallinn ásamt Landmótun og Argos.

 

Það er Schusev-ríkissafnið um arkitektúr ásamt Evrópsku menningarmiðstöðinni í Rússlandi og Evrópsku menningarmiðstöðinni á Ítalíu sem standa að sýningunni.


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Íþróttamaður Bolungarvíkur 2019
Hóf Íþróttamanns ársins í Bolungarvík 2019 var haldið í Félagsheimilinu sunnudaginn 12.janúar 2020. Margir íþróttamenn fengu viðurkenningar og var það Mateusz Klóska sem fékk titilinn íþróttamaður ársins. Guðbjörg Stefanía Hafþórsdóttir tók eftirfarandi myndir.