Víkari.is - Fréttavefur Bolvíkinga
Fréttir | 9.12.2019 16:36:30 |
54. aðventustund kirkjukórsins

Hin árlega aðventustund Kirkjukórs Bolungarvíkur var í Hólskirkju á annan sunnudag í aðventu líkt og löng hefð er fyrir.

 

Kirkjukór Bolungarvíkur söng undir stjórn Guðrúnar B. Magnúsdóttur og Halldóra Jónasdóttir leiddi sunnudagaskólabörn í helgileik. 

 

Árný Margrét Sævarsdóttir söng Nóttin var sú ágæt ein, en Árný Margrét lék og söng fyrir ferðamenn í kirkjunni í sumar. 

 

Steinunn Guðmundsdóttir flutti hugvekju og hafði margt að segja um kirkjusókn og sögu kirkjunnar en foreldrar hennar þau Helga Svana Ólafsdóttir og Guðmundur Hraunberg Egilsson unnu Hólskirkju og var Hraunberg lengi meðhjálpari.

 

Þá báru fermingarbörn ljósið í bæinn og sögðu sögu aðventukransins. 


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Íþróttamaður Bolungarvíkur 2019
Hóf Íþróttamanns ársins í Bolungarvík 2019 var haldið í Félagsheimilinu sunnudaginn 12.janúar 2020. Margir íþróttamenn fengu viðurkenningar og var það Mateusz Klóska sem fékk titilinn íþróttamaður ársins. Guðbjörg Stefanía Hafþórsdóttir tók eftirfarandi myndir.