Víkari.is - Fréttavefur Bolvíkinga
Fréttir | 11.12.2018 09:01:58 |
Aðventukvöld í Hólskirkju

Aðventukvöld Kirkjukórs Bolungarvíkur var haldið í 53. sinn á annan sunnudag í aðventu líkt og verið hefur undan farin ár. 

 

Skólakór Grunnskóla Bolungarvíkur flutti jólalög undir stjórn Sigrúnar Pálmadóttur við undirleik Guðrúnar B. Magnússdóttur organista. Karolína Sif Benediktsdóttir söng einsöng með kórnum.


Kirkjukórinn flutti einnig jólalög undir stjórn Guðrúnar og kórarnir sungu saman. Sigrún Pálmadóttir söng einsöng með kirkjukórnum.
 

Fermingarbörn 2019 báru ljós í bæinn og Ester Jónatansdóttir flutti hugvekju.

 

Aðventukvöldið var vel sótt og mörgum Bolvíkingum finnst kvöldið ómissandi þáttur í undirbúningi jólanna
 

Að loknu aðventukvöldi stóð unglingadeild Grunnskóla Bolungarvíkur fyrir fyrir kaffiveitingum í safnaðarheimilinu til styrktar Marcel Knop, nemanda í 9. bekk grunnskólans, en Marcel glímir við erfiðan sjúkdóm.


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Vígsla snjóflóðagarðanna
Snjóflóðavarnargarðarnir Vörður og Vaki í Bolungarvík voru vígðir laugardaginn 20. september.