Víkari.is - Fréttavefur Bolvíkinga
Fréttir | 15.5.2018 10:37:03 |
Bolungarvík styrkir nemanda til náms við Lýðháskólann á Flateyri

Bolungarvíkurkaupstaður auglýsir eftir umsækjendum um nám við Lýðháskólann á Flateyri.

 

Kaupstaðurinn mun styrkja einn nemanda til náms við skólann með því að niðurgreiða skólagjöld, 200 þúsund fyrir hvora önn, fyrir skólaárið 2018-2019. 

 

Um plássið geta allir þeir einstaklingar sótt sem náð hafa 18 ára aldri í september á þessu ári og uppfylla eitthvert af eftirfarandi skilyrðum:

 

  • Einstaklingur búsettur í Bolungarvík
  • Einstaklingur sem telst brottfluttur Bolvíkingur
  • Einstaklingur er barn eða barnabarn íbúa Bolvíkinga eða brottfluttra Bolvíkinga.

 

Sótt er um skólaplássið á vef skólans.

 

Þegar sótt er um er nauðsynlegt að í umsókn sé tekið fram að sótt sé um styrk frá Bolungarvík.

 

Ákvörðun um val á umsækjendum verður í höndum Lýðháskólans á Flateyri. 

 

Nánari upplýsingar um námið og skólann er að finna á www.lydflat.is.

 

Upplýsingar veitir einnig Helena Jónsdóttir skólastjóri Lýðháskólans á Flateyri í síma 661 7808 eða tölvupósti: skolastjori@lydflat.is.


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Vígsla snjóflóðagarðanna
Snjóflóðavarnargarðarnir Vörður og Vaki í Bolungarvík voru vígðir laugardaginn 20. september.