Víkari.is - Fréttavefur Bolvíkinga
Fréttir | 13.3.2018 10:33:53 |
Fundaröð með íbúum og hagsmunaaðilum

Bolungarvíkurkaupstaður stendur þessa dagana fyrir fundaröð með íbúum og hagsmunaaðilum í bænum. Fundirnir eru á svipuðum nótum og fundir sem haldnir voru haustið 2016,  en mikil ánægja var með þá. Fyrsti fundurinn var í Félagsheimili Bolungarvíkur í gærkvöldi þar sem fjallað var um málefni útgerðar og iðnaðar. Fundurinn var vel sóttur og sköpuðust þar góðar umræður um atvinnulífið og tækifærin framundan, svo sem í fiskeldi.

 

Næsti fundur verður niðvikudaginn kl. 20:00 en þá verður ferðaþjónusta og verslun til umræðu en á fimmtudaginn kl. 20:00 verður fjallað um íþróttir og málefni félagasamtaka. Fundirnir eru haldnir í minni salnum í Félagsheimili Bolungarvíkur og eru allir velkomnir.

 

Í framhaldi þessara þriggja funda verður svo almennur íbúafundur laugardaginn 24. mars kl 14:00 í stóra sal Félagsheimilisins.


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Vígsla snjóflóðagarðanna
Snjóflóðavarnargarðarnir Vörður og Vaki í Bolungarvík voru vígðir laugardaginn 20. september.