Víkari.is - Fréttavefur Bolvíkinga
Fréttir | 1.6.2017 10:59:53 |
Fyrsta skrefið í stækkun leikskólans Glaðheima

Bolungarvíkurkaupstaður hefur samið við Arkiteó ehf. um hönnun á breytingum á leikskólanum Glaðheimum. Breyta á núverandi húsnæði auk þess að byggja 290 m² nýbyggingu. Þegar framkvæmdum lýkur er gert ráð fyrir að hinn nýji leikskóli geti tekið 70 börn í vistun og mun leikskóladeildinni í Lambhaga verða lokað á sama tíma. Við undirskrift samnings við Arkiteó sagði Jón Páll Hreinsson bæjarstjóri að nýr og endurbættur leikskóli Glaðaheima verði bylting í leikskólamálum Bolvíkinga og muni bæta aðbúnað fyrir börn og starfsfólk. „Fyrir er í Bolungarvík afar gott starf innan leikskólans og með þessari framkvæmd skapast tækifæri til að sækja fram í þjónustu við barnafjölskyldur,“ sagði Jón Páll.

 

Einar Ólafsson, arkitekt, sér um fullnaðarhönnun byggingarnnar ásamt því að vera samræmingarhönnuður og hönnunarstjóri verksins. Aðaluppdráttum á að skila í ágúst 2017 og fullkláruðum gögnum í nóvember 2017.

 

Arkiteó var stofnað árið 2004 til að koma á fót hönnunarhverfri teiknistofu. Arkiteó hefur unnið til margra verðlauna á sínu sviði og leitast við að færa alþjóðlegar hugmyndir og sjónarmið í hönnun til Íslands með samvinnu við fagmenn og listamenn um allan heim. Á sama tíma hefur stofan ávallt sótt innblástur í íslenskan menningararf.

 


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Vígsla snjóflóðagarðanna
Snjóflóðavarnargarðarnir Vörður og Vaki í Bolungarvík voru vígðir laugardaginn 20. september.