Siðastliðinn laugardag opnaði gjafavöruverslunin O-Design í nýju húsnæði í Bolungarvík. Verslunin er nú staðsett að Vitastíg 1 og er því við hliðina á handverkshúsinu Drymlu. O-Design er í eigu hönnuðarins Odds Andra og Ragnars Sveinbjörnssonar en í versluninni er að finna gott úrval af íslenskri hönnun og framleiðslu í bland við erlenda vöru að ógleymdri eigin hönnunar O-Design.

Verslunin O-Design verður með opið frá kl. 12 til kl. 17 alla daga nema sunnudaga í sumar en sá opnunartími hefst 20. maí nk.  Nálgast má frekari upplýsingar um opnunartíma og vöruúrval O-Design á Facebook-síðu verslunarinnar.