Víkari.is - Fréttavefur Bolvíkinga
Fréttir | 25.6.2011 23:37:22 |
Fyrsta skóflustungan að nýjum íbúðum aldraðra

Það var stór dagur hjá eldri borgurum í Bolungarvík í dag þegar Ingibjörg Guðfinnsdóttir tók fyrstu skóflustunguna að nýjum íbúðum aldraðra í bænum. Það er  Byggingarélag heldri borgara í Bolungarvík sem stendur að baki byggingunni.


Í tilefni af fyrstu skóflustungunni að húsinu var haldin falleg athöfn þar sem Kristný Pálmadóttir, væntanlegur íbúi í húsinu, hélt stutta tölu og séra Agnes Sigurðardóttir blessaði framkvæmdirnar.


Húsið mun standa við Aðalstræti og mun með sameiginlegum stigagangi tengjast öðrum íbúðum fyrir aldraða sem eru í eigu Bolungarvíkurkaupstaðar. Um er að ræða þriggja hæða byggingu sem mun telja 15 íbúðir sem eru 70 - 90 fermetrar að stærð en auk þess er rúmgóður kjallari undir allri byggingunni. Áætlað er að verð minni íbúðanna verði 19 milljónir en að þær stærri kosti 24 milljónir.


Framkvæmdir við íbúðir aldraðra verða í höndum Vestfirskra verktaka ehf og er reiknað með að það taki 18 mánuði að fullklára bygginguna en stefnt er að því að húsið verði orðið fokhelt 1. desember næstkomandi.

 

Meðfylgjandi myndir frá athöfninni í dag tók Margrét Lilja Pétursdóttir.


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Íþróttamaður Bolungarvíkur 2019
Hóf Íþróttamanns ársins í Bolungarvík 2019 var haldið í Félagsheimilinu sunnudaginn 12.janúar 2020. Margir íþróttamenn fengu viðurkenningar og var það Mateusz Klóska sem fékk titilinn íþróttamaður ársins. Guðbjörg Stefanía Hafþórsdóttir tók eftirfarandi myndir.